اسباب العنوسه في مصر

ما هي سبب العنوسه في مصر ؟؟؟؟؟؟؟؟
هل الشباب نفسه مصدوضه عن الزواج بسبب الظروف التي نعيشها؟
ولا عشان نسبه الولاد اكثر من البنات ؟
ولا عشان الشباب مابيوعد بالكلام الي بيقوله؟
ولا عشان زي ما بيقولو النصيب؟


اسباب كثيره والسؤال يطرح نفسه
ما سبب العنوسه في مصر

يا جماعه انا لما بتكلم مبتكلمش عن الشباب كلهم ولا البنات كلهم
ويارب مواضيعي تعجبكم

والله ايه دا مش معقوله

تخيل انا والمستر بتاعى كنا بتكلم فى الموضوع دا مبارح

يا سبحان الله

طبعا هى كل حاجه فى الاول وفى الاخر قسمه ونصيب وقدر ربنا

بس من الاسباب المنتشره ان نسبه البنات بقى حوالى اربع اضعاف الولاد

مع احترامى للشيوخ وللدين طبعا جه فى مره واحد قال كلنا مسلمين واللى مترضهوش على نفسك متردهوش على غيرك

وبسبب ان نسبه البنات زادت مفيهاش حاجه لما الراجل يتجوز اتنين او تلاته عشان يستر اخواته المسلمين

الكلام دا كاااااااااااان زمان ايام ما كانوا بيقسموا اللقمه سوا مش دلوقتى اللى عاوزه كل واحده تبعده عن التانيه


طبعا بقى زى منتا شايف مطلوب من شاب يعنى قول حوالى 25 انه يجيب شقه وشبكه ويجهز نفسه وهو فى السن دا

اما لو جه طلب شقه من الدوله فلازم يكون كاتب كتابه وفيه بعض الناس مش بتوافق على دا وبيفضلوا ان بناتهم تفضل قاعده جنبهم احسن وكمان الشاب عشان ميوقعش نفسه فى كل دا بيفضل انه مش يتجوز من الاساس ويبقى اسهله انه يمشى فى اى طريق غلط

انا هقول حاجه بس محدش يقول عليا هبله

انا مقتنعه جدا ان سبب العنوسه هو التليفزيون اصل كل لما نتفرج على مسلسل نلاقى شكل البيوت والديكورات تهبل
ودى عايشه مش عارف فين ودى عايشه فين المسلسلات دى جزء من حياتنا الاجتماعيه يعنى كل بنت دلوقتى بتحلم انها تبقى عندها شقه مش عارفه فين وشقه تانيه تصيف فيها

وهو دا اللى بيخلى البنات تستنى فارس احلامها اللى هيحقق لها كل دا واديهم مستنين

ـ ـ ـ ـ ـ ـ ـ ـ ـ ـ ــ ـ ـ ـ ـ ـ ـ

على فكره انا مش مؤيده ولا للبنات ولا للولاد

انا اصلا معتزله الحياه دى خالص ولا عاوزه احب ولا اتجوز ياعم انا كدا مزاجى فل

اولا انا مغصبتش حد انه يحب او يتجوز مع احترامي لأراء الاعضاء
بس انا مغصبتش حد علي حاجه هو الموضوع كان الكل المفروض يتكلم فيه
والتليفزيون مليهوش دعوه بالحب والجواز او حتي العنوسه

الدين بيقول بص تحت رجليك وماتبص فوق

وفي مثل تاني يبقول الي يبص لي فوق رقبته تنكسر

رايى اللى كان فى الاخر دا مجرد اسلوب خبرى زى اللى بناخده فى البلاغه عندنا فى الثانويه

يعنى ميفدكش بحاجه ولا اصلا المفروض تعلق عليه

سيبكم من كل الكلام ده سبب العنوسة في مصر خروج الست للشغل وده ادى الى عدد كبير جدا من الوظائف البنات اخدوها مفروض يكون مكنها شباب البنت بتنزل الشغل عشان تدور على عريس مش تشتغل عد كام بنت شغالة وكام شاب عاطل شوف لو البنات دي مكنها شباب كانت نسبة العنوسة الت شوية (( خليهم باه يتكثرم ذاتيا))